農奴叫我多聽歌

老實說，一直以來和我駁嘴的農奴我是並不多放在眼內的，因為她們一般都比較天真無邪，比較容易打發。但新來的阿jeff就不同了，單看氣勢已經----------來來來，大家學野---------

我會聽自然捲, 薩頂頂, 蘇打綠, 間唔中聽下演奏會, 唔通一聽農夫突然就會變反智? 呢個邏輯都要跟ohce   (按：原文如此。JEFF行文時常有短路情況出現) 

lady gaga 著住底褲拍mv, 我又會睇, janis ian, suzanna vega, U2既反戰歌我又會聽. ( 斷估ohce兄聽歌咁多, 應該都識掛)
日日只係執住一兩句歌詞挑挑剔剔, 聽多歌先再講啦. 
錢多冇地方駛, 買隻農夫支持下先, 買番黎擺都捧下場.

嘩！個個我都唔識咁濟呀陰功！我真係即係有點熬底！不過，志雲大師的金句在這時候發揮了作用：依個時候最緊要唔好驚，唔好亂！係，這個jeff係就係聽好多歌，不過並不代表任何野架喎！我地成日都見到好多人旁征博引，讀鬼咁多書，左一本右一本，拋到嘴軟，但並不代表他們有什麼思想，有什麼創見，好點說是離開了書本說不了話，更壞的是人云亦云！

當然，其實我都好鐘意D博識多聞既勁人NAME DROPPING , 因為有時真係會袋到野落袋！不過阿JEFF哥哥這裡的SHOW OFF到了最後變成「爆屎渠」，真是令人有點可惜。

為什麼說是「爆屎渠」呢？因為為了表示自己胃口好，腸胃好，阿JEFF哥哥竟然在最後隆重欽點了農夫入籃！天阿，莫非要為了和我唱反調，JEFF竟然要這麼大犧牲？何必呢？

不過阿JEFF為了堅持自己的理念，又真係咁多錢，我冇理由發對他去聽農夫買農夫的，不過如果阿JEFF咁偉大，乜都聽，希望他可以支持埋WILLIAM HUNG，支持埋顏福偉，的士陳，少爺占，夏金城........................喇。

JEFF呀，記住，百花齊放不能夠單買農夫的！如果還有錢剩，我還有很多認為是垃圾的東西推介過你！

好了，說到這裡，我先不質疑JEFF哥哥的品味，因為他的邏輯問題更大！

點解農夫冇才華就要消失? 全香港從事娛樂事業超過一半人都係冇才華, 係咪都應該引退??? 農夫幾時俾人委任做教育局長, 要作育英材?唔通係問責官員所以要引咎消失???

一次又一次地，來和我拗頸的人總是表面上撐農夫，實質上就是繞個彎來證明我的說法！真是服了你們囉！

嗱，農奴們，認住這個JEFF，他剛剛加入成了農奴一分子，但他說到明農夫冇才華，買他的碟也只是錢多拿來擺！你們有沒有人家那麼有錢，又那麼有免疫力先？