香港高官僭建一覽表

鄭大班說過香港2個人之中就有1個僭建！CY有僭建講真又邊度係新聞，不如你問下邊個高官議員冇僭建好過啦！奇就奇在點解唐英年又或者一眾傳媒竟然沒在之前的僭健風暴中拉埋CY落水呢？

隨便找個人競猜一下，黃毓民好了。你說他有沒有僭健？

點都好啦，大家開心就好。可惜一個香港得一個特首，你想逼到有僭建的人道歉拆野？看看唐英年會不會填地牢就知道了。

政客官員齊心打造僭建港

陳偉業 - 非法霸佔屋前二千呎官地做「私家花園」涂謹申 - 辦事處違規加建裝飾同招牌李永達 - 辦事處違規安裝燈箱、射燈和支架黃成智 - 其父違規將天台屋擴建張文光 - 違規圍封露台僭建馮檢基 - 違規圍封露台僭建張國柱 - 違規圍封露台僭建湯家驊 - 寓所車房頂加建玻璃屋張學明 - 父子二人丁屋有僭建物，當中包括加建玄關、屋後小屋、魚池、花圃和天台屋陳鑑林 - 丁屋外僭建花圃，天台僭建玻璃屋，在裝修期間非法佔用官地放置存雜物的貨櫃王國興 - 寓所露台僭建玻璃屋黃容根 - 丁屋天台僭建玻璃屋劉皇發 - 寓所地面加建玻璃屋，其子大宅外的花園非法霸佔半條行人路

政壇：抽水插CY政棍其身不正

候任特首梁振英（CY）被揭發山頂豪宅有僭建後，即時有班牛鬼蛇神喺四方八面走出嚟，無論係泛民主派或建制派都撲出嚟說三道四，一時話CY「嚴重疏忽」，又話事件係「政治危機」，大肆抽水。不過，佢哋好似集體失憶咁，唔記得自己黨友都係醜聞之源。

各路牛鬼蛇神之中，最衰一定係食物及衞生局局長周一嶽，佢恃住冇得撈，大大聲話對CY僭建好失望，佢上個月先被本報獨家踢爆佢喺加列山道嘅住所僭建，成個露台都被玻璃嵌板圍封，其身不正都咁多聲氣，真係抽水抽到盡。

民建聯出名叫「僭建聯」，無論張學明、黃容根、陳鑑林，黨內唔少立法會議員屋企都有僭建，該黨成員兼立法會主席曾鈺成尋日出嚟批評CY屋企僭建係嚴重疏忽，點解佢又唔插班黨友無法無天呢？工聯會陳婉嫻亦企喺道德高地，猛批CY以無心之失作解釋實在講唔通喎，佢黨友「西鐵男」王國興早前都畀人踢爆屯門住所僭建玻璃露台，呢啲係咪「一時唔偷雞做保長」呢？

新民黨主席葉劉淑儀話公職人員最緊要有誠信，認為僭建二百呎同唐英年僭建二千呎都係咁衰喎，但佢好似忘記咗黨友史泰祖去年被踢爆上水別墅豪霸八千呎官地嘅事。

白鴿黨何俊仁同公文袋梁家傑都要求CY上任後即刻辭職，之但係白鴿黨黃成智同公文袋湯家驊都被揭有僭建喇，點解當時無人叫佢哋辭去議員職務呢？

過氣尊貴議員鄭經翰被揭發也是本地前仆後繼的「僭建聯」一員猛將，雖然此君並非新界鄉紳，然而其刁橫嘴臉顯然又是一個僭建霸權主義者。鄭大班被勸喻清拆山頂豪宅僭建天台屋之後表示，不滿屋宇署選擇性執法，質疑官僚針對名人，繼而發爛渣大控訴，揚言組織「僭建苦主大聯盟」跟政府對着幹。